L'è ruvaa cun soe el cilindo e trii curtej ne la cintuura
i stivaj de pèll de bìssa e cun la fèvera in di oecc...
l'è ruvaa venerdè siira nella sua villa fada de sàss
l'ha pizzaa mezza candèla e l'ha smurzàda cun la tùss
 
L'è voolt un metru e una bestemmia
el g'ha un viulèn de lègnu russ
un brascialètt de fiil de corda de quaand vurèven impiccall
l'hann licenziaa dal pürgatori,
l'hann battezzaa cul grand marnier
i so pensee tuchen la tera e sura i vedri fa mea rifless
 
e donca sara la tua finestra
e fa trii voolt el segnu de la cruus
tappa i urecc quaand che veert la custodia
che quaand el sona l'è periculuus
e ogni saant e ogni madona
questa nocc el sara la porta
scapa fioe scapa fioe scapa fioe...
l'è scià el baron de la loena storta
l'è scià el baron de la loena storta
 
Hann dii che l'era un reverendo,
hann dii che l'era un mercenari,
hann dii che l'era un trapezista in un circo in Ungheria
a l'è nassuu a S. Marie de la Mer el 34 de febraar
el so' prufiil l'è tutt al cuntraari,
la sua cravatta una crapa de moort
 
E l'hann vedüü spustà la nebbia, sarà una stela in una gabbia,
l'hann impicaa e s'è rutt el ramm el g'ha la pèll culuu del foemm
e in quarant'ann de manicomi l'è diventaa mila person
l'è mea guarii, l'ha mea capii...ma l'ha imparaa a sunà el viulen
E in quarant'ann de manicomi l'è staa un poo tücc e un poo nissoen
ma adess l'è scià cun soe el cilindro e lüü la sa' che l'è el baron.

 

E donca sara la tua finestra
e fa trii voolt el segnu de la cruus
tappa i urecc quaand che veert la custodia
che quaand el sona l'è periculuus
e ogni saant e ogni madona
questa nocc el sara la porta
scapa fioe scapa fioe scapa fioe...
l'è scià el baron de la loena storta
l'è scià el baron de la loena storta

 

 

 

 

Barca tuca la riva, sfrega la punta gratta la spiaggia
tera, tera incazzada che la se lamenta per ogni mè pass,
troppa, troppa la nocc che ho pasaa sura l'acqua fantasma
tera, tera bastarda che spuserà el veent per bufam in dii oecc
unda lama de spada, labbru de dama, lengua de früsta
unda che la carezza.... unda che sgàrla e messeda i riflèss
unda mann che me ciapa che la me rüzza fina a cà mia
unda, unda seguunda che la me tira ancamò in mezz al laagh
vita, vita de frosna, vita sfilzada de punta in soel fuund
vita, vita mulagna, gira la roeda e tira la corda
tera, tera che specia ogni rüdera che porta foe el laagh,
tera che ogni matena cun la stessa facia la specia anca me
 
E sun che a specià la terza unda e sun che per vedè cume la sarà
e sun pruunt a basà la terza unda e sun pruunt a ciapà tücc i so s'ciàff
 
Dona dona sbagliada, roesa tajada e poe trada via
dona, dona de tera, roesa che l'era mea la mia,
roesa che la te spuung e intaant che la spuung la te lassa el prufoemm
dona che impara da l'unda a regurdatt che te seret un omm
rema rema via el muund fin duè l'acqua la g'ha pioe memoria
scappa da quela corda che gira che gira e te liiga al puntiil
unda unda busarda prema te rüzza e dopu te sbrofa
aria de carta de vedru che frega e che frega per fatt turnà indree
vita che la se incastra e l'è disegnaada a lisca de pess
vita che la sbrissiga versu quel siit in de gh'eet voeja de vèss
unda che la te porta fina a la spunda de là
per fatt sentì püssee forta la voeja de turnà a cà.....

 

E sun che a specià la terza unda...

 

 

 

Shymmtakula

Shymmtakula

Shymm-ta Shymm-ta

Shymmtakula

 

Sgranocchiando mille notti, macinando le caviglie,   
cerco il regno scorniciato dove impera il caprimulgo,  
occhio d'acqua senza fretta e pupilla lampo d'oro,  
ogni foglia calpestata il ruggito di un sussurro,  
ogni pietra ben posata un silenzio vincitore  
e sorregge il mio viaggiare    
tra il percorrere e il pensare,  
possa un sogno senza veli nel mio centro nevicare,  
possa il ramo senza tempo le tre nuvole incastrare